Headlines News :
Home » , , , , , , , » Bosok Sai FP MAP, Lazarus Tenke Selu Rihun 4800 ba Otel Dili

Bosok Sai FP MAP, Lazarus Tenke Selu Rihun 4800 ba Otel Dili

Written By Timor News Online on 2/25/2015 | 4:23 AM



DILI-Arguido Lazarus Selestino Ribeiro bosok dehan Fungsionario Publiko (FP) Iha Ministeriu Agrikultura e Pescas (MAP), hodi hela gratuitu iha Otel Dili durante fulan ida nia laran, maibe ikus mai nia tenke ba hatan iha tribunal no selu osan rihun 4800 resin ba patraun Otel Dili iha tempu badak.   
Liu husi audensia julgamentu tribunal lee sai akuzasaun husi Ministeriu Publiko katak iha loron 22 Maio 2014, arguido Lazarus Selestino de Ribeiro ba iha Otel Dili, Lesidere ba nudar bainaka iha neba. Arguido hatete ba staff Otel Dili katak nia nudar Koordenador Assosiasaun Peskas Atauro nian nebe atu mai tuir treinamentu iha MAP hodi hela iha Otel nee.
Iha loron 22 to loron 30 Maio, arguido aluga Otel hodi halo check in ba MAP. Hanesan visitante, Otel nain husu atu selu maka arguido dehan depois maka halo deit chek in ba iha MAP tanba nia nudar fungsionario MAP nian.
No iha loron 30 Maio arguido abandona tiha kuartu Otel nebe nia hela. No despeza sira nee MAP maka sei halo pagamentu, maibe parte husi MAP rasik la haruka arguido atu ba hela iha Otel nee. No arguido mos la partisipa iha treinamentu MAP nian. Arguido bosok dehan servisu hanesan koordenador Peskas iha MAP, iha sub-distritu Atauro nian.
Hatan ba akuzasaun nee arguido Lazarus hatete, akuzasaun nebe akuza ba nia nee lalos hotu. Nia hela duni iha Otel Dili, maibe la lori estadu nia naran mais nia ba kontrak privadu. I tempu nee ministru Agrikultura maka halo konvite ba nia hodi halo inkontru ho nia kona ba proposta nebe nia halo ba ministeriu ho montante osan rihun $145 hodi apoio atu kuda kulu oan iha Atauro. Informasaun kompletu iha STL jornal no STL Web, edisaun Kinta (26/2/2015). Domingas Gomes
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template