Headlines News :

Foin Aprende Hemu, Fila Uma Fen Lori Todan

Written By Timor News Online on 2/12/2015 | 2:43 AM



DILI-Foin aprende hemu tua sabu kopu lima halo arguido Batista F. de Jesus la hatene an, hodi fila ba uma basa nia kaben Fransisca Ribeira Alegria nia rentos to metan.
Liu husi audensia julgamentu tribunal lee sai akuzasaun husi ministeriu publiko katak iha loron 11 fulan Janeiro 2011 tuku 3, arguido fila mai uma lori liman hodi basa ba lejada nia rentos. Lejada rasik la hatene tanba saida maka derpenti arguido halo agresaun ba nia rentos. Arguido ho lejada forma uma kain iha tinan 1998.
Hatan ba akuzasaun nee arguido hatete, akuzasaun nee los hotu. Iha momentu nee nia mak sala duni. Tanba ho kondisaun lanu fila uma hodi baku deot lejada.
Hau sala duni, tanba hau lanu. Tanba hau foin primeiro ves hemu tua sabu, nemak lanu kedas fila mai uma halo buat arbiru hodi baku ferik oan. Maibe depois nee ami diak malu kedas no labarik sira lori kedas hau nia kaben ba halo tratamentu iha hospital. No hau mos arepende ba hau nia hahalok katak hau sala duni, tenik nia ba tribunal.
Depois rona tiha deklarasaun husi arguido tribunal halao kedas alegasaun final. Nunee Ministeriu publiko hatun akuzasaun hasoru arguido iha loron 19 de Fevereiro 2011 tanba arguido hemu tua lanu hodi baku nia kaben. Maske arguido ho lejada diak malu ona maibe tanba krime violensia domestika nee labele redus.
Entertantu parte defesa husu ba tribunal atu aplika pena nebe adukuado no justu ba arguido, tanba arguido konfesa los hot katak nia mak sala duni. Informasaun kompletu iha STL Jornal no STL Web, edisau Sesta (13/2/2015). Domingas Gomes
- See more at: http://suara-timor-lorosae.com/foin-aprende-hemu-fila-uma-fen-lori-todan/#sthash.P9OyVqtT.dpuf
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template