Headlines News :

Governu Foun Laiha Ona Opozisaun

Written By Timor News Online on 2/04/2015 | 3:52 AM



DILI - Formasaun governu foun neebe maka Primeiru Ministru Xanana Gusmao halo, bele dehan oposizaun laiha ona, tamba FRETILIN involve iha laran.
Reprezentante povu iha uma fukun Parlamentu Nasional husi bankada PD, deputadu Paulino Monteiro hatete, depois Mari Alkatiri no Lu-Olo tama iha governasaun ida nee, laiha ona oposizaun, tamba hotu-hotu partispa iha governasaun.
Aprovasaun orsamentu mos ho unanimidade neebe hotu hotu aprova laiha kontra, entaun quer dizer que hotu-hotu hamutuk ida ona, neebe agora iha formasaun governu foun ida agora Primeiru Ministru halo nee ita labele dehan ona iha oposizaun iha bloku, maibee ita dehan deit inkluzivu, tamba hotu hotu partisipa iha laran hotu ona, neebe hamutuk atu oinsa maka hare ba interese nasional, dehan deputadu Paulino ba jornalista sira iha PN, Dili, Kuarta (04/02/2015).
Nia hatete, lider sira tur hamutuk oinsa bele hare siguransa iha rai laran, oinsa hadia ekonomia neebe ohin loron sai problema mina, nee duni interse nasional nee tau a’as, hotu-hotu hanoin ida deit para reforsa malu iha filial oin para hasoru parte neebe maka hakarak halakon interese nasional rasik.
Iha fatin hanesan membru PN husi bankada FRETILIN deputadu Manuel Gaspar da Silva hatete, hanesan reperezntante povu husi bankada oposizaun hakarak agrdese barak ba PM Xanana iha inisiativa atu redus estrutura governu, I uja fila fali ema neebe maka iha kapasidade hodi priense estrutura governu foun neebe mai. Informasaun kompletu iha STL Jornal no STL Web, edisaun Kinta (5/2/2015). Carme Ximenes
Source: STL Online
Share on :

1 comment:

  1. Semoga laiha ona oposisaun hanesan ne'e bele realiza duni plano desenvolvimento nebe diak ba povo hotu. Hau duvida mak halo tiha re-estruturasaun hodi tau ema foun iha neba pois ba halo buat nebe hanesan iha governo tuan. Ita hein ninia resultado mak iha hare oisan governo foun nia lalaok. Obrigado

    ReplyDelete

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template