Headlines News :

La Fo Osan, Alex Lori Katana Ameasa Tereza

Written By Timor News Online on 2/13/2015 | 5:58 AM



DILI – Arguido Alexandre Filipe tenke simu suspensaun tinan 3 husi Tribunal Distrital Dili, tanba lori katana ameasa ta’a nia kaben Tereza no halo agresaun fisika hasoru lejada.
Liu husi leitura sentensa nebe lee sai husi juis singular katak, arguido provado duni lori katana ameasa nia kaben no halo agresaun fisika hodi tebe monu lejada ba rai. Ho nia hahalok nee halo lejada hetan kanek iha ain no tauk. Ho ida nee tribunal kondena arguido prizaun tinan rua no suspende ba tinan 3.
Tuir akuzasaun husi ministeriu publiko katak iha loron 10 Janeiro 2014, arguido la entrega osan kareta nebe nia lori ba lejada maka halo lejada nervoju hodi hakilar arguido. Ho ida nee arguido nervoju hodi dada monu lejada tun ba rai no lori katana ameasa.
Iha julgamentu nia laran arguido Alexandre hatete, nia halo duni no akuzasaun husi ministeriu publiko nian nee los hotu, katak nia baku duni nia kaben. No nia mos arepende ba nia hahalok nee, no ba future nia sei la halo tan.
Entertantu lejada Tereza hatete, iha momentu nee arguido halo duni agresaun fisika hasoru nia mak basa no dada monu ba rai depois lori katana ameasa tan nia. Informasaun kompletu iha STL Jornal no STL Web, edisaun Sabado (14/2/2015). Domingas Gomes
Source: STL ONLINE
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template