Headlines News :

Mosu PM Foun, Bloku Tenki Fo’o Lejitimasaun

Written By Timor News Online on 2/04/2015 | 3:41 AM



DILI- Sekertariu Jeral Partidu Demokratiku (PD) Mariano Assanami Sabino, deklara se mosu Primeiru Ministru foun, Bloku koligasaun tenki fo’o lejitimasaun, hodi bele ezekuta planu nebee aprova husi Parlamentu para kontinua to’o 2017.
Tuir Assanami katak Partidu Demokratiku fo’o apoiu total ba Kay Rala Xanana Gusmao sai nafatin Primeiru Minstru.
Se iha desizaun husi Maun Boot katak tenki iha Primeru Ministru foun, entaun tenki iha bloku laran no Bloku tenki fo’o lejitimasaun no apoiu total, para bele ezekuta planu nebee aprova husi Parlamentu Nasional para kontinua too 2017, hateten Assanami, ba Jornalista sira, iha rejidensia Primeru Ministru Xanana Xusmao, Lesidere, Dili, Kuarta (04/02/2015).
Nia hatutan durante loron 3 nee, sira husi Bloku koligasaun, diskuti lei organika no estrutura Governu foun, maibee sira seidauk koalia konaba ema. Maibee tuir nia katak Governu foun agora to’o 30 resin, inklui Governu tuan balun, maibee sira agora seidauk bele koalia sai ba publiku.
Iha fatin hanesan Prezidente Partidu Frente Mudansa Jose Luis Guterres hateten konaba rejignasaun PM Xanana Gusmao, so nia maka hatene, maibee sira deskuti buat seluk. Informasaun kompletu iha STL Jornal no STL Web, edisaun Kinta (5/2/2015). Joao Anibal
Source: STL Online
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template