Headlines News :

PM Rui:“Se Mak Pratika KKN Iha Rsiku Bo’ot, Maske Seidauk Kaer Kona”

Written By Timor News Online on 2/20/2015 | 5:33 AM



DILI – VI Governu Konstitusional sei la tolera ba se deit maka involve an iha Korupsaun Koluzaun no Nepotismu (KKN), tanba ne’e se maka halo korupsaun nia moris iha risku nia laran maske seidauk kaer toman.
Ida ne’e mak lia fuan hosi Primeiru Ministru (PM), Rui Maria de Araujo, iha ninia deskursu ne’ebe maka halo iha Salaun Ministeriu Negosiu Estranjeiru (MNEC) Pantai Kelapa, Sesta (20/02) wainhira partisipa iha Komemorasaun loron aniversariu Komisaun Anti Korupsaun nian ba dala lima (5).
Hau atu dehan deit katak governu ida ne’e fo apoiu tomak ba servisu KAK nian hodi kombate korupsaun tanba ne’e se mak pratika korupsaun ne’e hanesan risku bot ida ba nia an rasik maske seidauk aker toman no laiha toleransia ba se deit mak halo korupsaun kuandu iha evidensia ne’ebe mak forte,” hatete PM Rui.
Xefe Governu ne’e mos hatutan korupsaun hanesan obstakulo bo’ot ida ba iha dezenvolvimentu Nasional no wainhira korrupsaun maka kontinua lao iha rai laran signifika, TL lakon oportunidade atu hamosu rikerja hodi fahe ba sidadaun no korupsaun mos hanesan soe ona konfiansa estadu.
Iha fatin hanesan Komisariu Komisaun Anti Korupsaun, Aderito Tilman, mos hatete KAK kontinua kapasita ninia investigador sira atu hasae sira nia kapasidade, oinsa rekolha provas no teknika investigasaun. Informasaun kompletu iha STL Jornal no STL Web, edisaun Sabado (21/2/2015). Thomas Sanches
Source: STL ONline
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template