Headlines News :

PNTL Sei La Hapara Operasaun Ba Mauk Moruk

Written By Timor News Online on 2/16/2015 | 6:02 AM



DILI – Polisia Nasional Timor Leste (PNTL) sei la hapara operasaun iha teritoriu laran tomak, karik Paulino Gama alias Mauk Moruk no nia membru la intrega aan, maka pozisaun PNTL nafatin halo operasaun to’o kaptura.
Tuir Segundu Komadante Jeral PNTL Comisariu Afonso de Jesus katak, Pozisaun PNTL nafatin atu halo operasaun tama sai iha Suku no Aldeia sira, tamba nee Komandu fo apoiu nafatin ba iha Komadante Munisipiu Baucau atu kontinua halo operasaun, liu hosi Polisia Komunitariu nunee bele kontribui ba Paz no establidade iha rai doben TL.
Hau hanoin ami seidauk simu informasaun ida katak, Mauk Moruk husu PNTL atu hapara Iperasaun iha baje, tamba nee maka Polisia nafatin halo nia knaat hodi halo operasauniha fatin fatin, too Mauk Moruk ho nia ema Aprezentaan ba iha PNTL hodi ba hatan iha Tribunal, informa Afonso ba Jornalista, Segunda (16/02/2015) iha nia knaar fatin Kuartel Jeral PNTL Caicoli Dili.
Nia informa liu tan katak, pozisaun PNTL nafatin no sei la hapara operasaun karik grupu sira nee la intrega aan, no mantein subar, maka nee sei fo ameasa bo’ot ba komunidade sira, tan nee pozisaun PNTL metin.
Iha fatin hanesan Komando Jeral PNTL Longuinhos Monteiro mos hatutan katak, nia parte seidauk simu informasaun hosi ema ida, dehan atu hapara operasaun ba Mauk Moruk ho nia membru sira, atu nunee bele intrega aan, tamba nee pozisaun PNTL nian maka operasaun nee nafatin kontinua. Informasaun kompletu iha STL Jornal no STL Web, edisaun Tersa (17/2/2015). Madalena Horta
Share on :

1 comment:

  1. Mauk Moruk ne'e dehan sulan tiha ona iha prisaun tansa mak husik nia halai sai? se nia halai sai ne'e significa katak quarda prisaun nian mak la forte no karik iha politica seluk hanesan uluk Alfredo nian. Dala tolu ona prisioneros sira halai sai hosi prisaun. Ne'e pergunta bot ida ba sira nebe serviso iha Prisaun no parte setor justica nian. Uluk Alfredo halai sai to ikus mai Mate, tuir fali mai grupo oan ida nebe lidera hosi Juga Gama, ohin Loron ita rona fali Mauk moruk halasai sai hosi prisaun. Ida ne'e frakeza bot ida nebe presija tau matan didiak. Hau bele dehan ne'e failanso bot ida iha prisaun no liu liu iha ministerio justica nia laran tanba la tau matan ba buat hanesan ne'e. Pergunta ida seluk mak se mak haruka sira sai? karik iha ema ruma iha neba mak fo licensa para prisioneros sira sai? Persija investiga didiak se lae Timor nia sistema justica maske koalia no discute malu sai oho tan malu mos se la ba oin. Obrigado barak.

    ReplyDelete

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template