Headlines News :
Home » , , , , » TL Seidauk Aseita Prostituisaun Sai Hanesan Profisaun

TL Seidauk Aseita Prostituisaun Sai Hanesan Profisaun

Written By Timor News Online on 2/12/2015 | 2:37 AM



DILI- Oras nee prostituisaun buras ba bebeik, maibee Sosiadade iha Timor Leste seidauk aseita protituisaun sai hanesan profisaun ida ba feto sira.
Presidente Grupu Mulheres Parlamentar Timor Leste (GMPTL) deputada Josefa Pereira Soares hatete bainhira ema koalia konaba prostituisaun nee buat sensibel, tamba iha pro ho kontra, iha ema neebe hatete katak prostituisaun profisaun ida ba feto sira, maibee tuir sosiadade Timor Leste seidauk bele aseita buat nee atu sai hanesan profisaun.
Ita kolia konaba prostituisaun nee buat sensible lahalimar, tamba iha pro ho kontra iha ema neebe ke hatete katak ida nee profisional ou profisaun ida ba feto sira, maibee tuir ita nia sosiadade Timor Leste seidauk bele aseita atu sai hanesan profisaun ida ba ita nia feto maluk sira, prostituisaun moris buras ba bebeik iha ita nia rai, dehan deputada Josefa ba jornalista sira iha PN, Dili, Kinta (12/02/2015).
Presidente GMPTL deputada Josefa Soares hatete, prostituisaun iha aktus seksuais neebe la seguru, nunee estadu presiza hare fatin ida neebe bele kontrola sira nia saude, tamba iha kontaktus neebe laseguru bele mos iha moras HIV/SIDA.
Iha fatin hanesan membru PN husi komisaun Etika deputada Angelica da Costa hatete, feto estranjeiru neebe mai halo prostituisaun iha rai laran, ida nee fila fali ba ema ida-ida nia konsensia, tamba ema sira nee mai halo maibee feto Timor Leste maka tenki tau nia dignidade tuir tradisional kultura nian. Informasaun kompletu iha STL Jornal no STL Web, edisau Sesta (13/2/2015). Carme Ximenes
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template