Headlines News :
Home » , , , , , , , , , , » Falsifika Passaporte, Offisial PNTL Tama Prizaun Preventiva

Falsifika Passaporte, Offisial PNTL Tama Prizaun Preventiva

Written By Timor News Online on 3/08/2015 | 6:03 AM



DILI-Tribunal Distrital Dili (TDD) Sesta (06/03/2015) aplika pena prizaun preventiva ba arguido Offisial PNTL Jorge Calapes da Costa ba kazu krime falsifikasaun do carimbo.
Liu husi primeira interogatorio, Tribunal aplika kedas prizaun preventiva ba arguido Jorge, tanba iha audensia nee arguido hili nonok lakohi koalia ba tribunal. Hodi nunee tribunal konsidera faktus nebe akuza husi Ministeriu Publiko hanesan provas, hodi hatama arguido ba kadeia no hein prosesu julgamentu.
Depois desizaun, advogado privado Manuel Tilman informa katak, nia kliente komete krime falsifikasaun do carimbo. Arguido praktika aranja carimbo husi Atambua hodi hasai ema estrangeiro nia passaporte no bilhete, hodi tama mai Timor Leste. Arguido nudar official PNTL iha diresaun investigasaun nian.
Polisia ba halo kapturasaun ba arguido iha nia uma Bidau, iha loron 2 fulan Marsu 2015. Iha kapturasaun nee polisia hetan passaporte 20, carimbo data no carimbo imigrasaun iha nia uma. Hodi nunee polisia halo kedas detensaun ba nia durante oras 72 nia laran hodi kuntinua mai halo primeiro interogatorio iha tribunal. Informasaun kompletu iha STL Jornal no STL Web, edisaun Segunda (9/3/2015). Domingas Gomes
Source: STL Online 
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template